ازاى تختار شريك حياتك

شريك حياتك هو الانسان اللى هتقضى معاه اللى باقى من عمرك

عشان كده لازم تختار كويس هتقولى وانا اعرف منين الشخص اللى قدامى مناسب ليه ولا

تعالوا نحسبها كويس

لازم يكون فيه تكافؤ بين اى زوجين وفى تكافؤ مادى وفى تكافؤ اجتماعى وفى تكافؤ

اقتصادى وفى تكافؤ جسمى

فى واحد هيقولى تكافؤ مادى ايه خدوهم فقراء يغنيكم ربنا

وهنا اقولك لاء اقف عندك لازم ولا بد من وجود التوافق المادى بين الزوجين لانك لو

قبلت انك ترتبط بفتاه اعلى منك فى المستوى المادى اعرف انك هتتنازل عن القوامه

فى اداره شئون حياتك والكلام ده بالنسبه للرجل اما بالنسبه للبنت فمن الممكن ان يكون

مستوى الزوج المادى اعلى ولكن مع مراعاه التكافؤ بينه وبينك

اما بالنسبه للتوافق الجسمى فمعناه ان مينفعشى ابقى قصير واتجوز واحده طويله والعكس

ومينفعشى ابقى مليان واتجوز واحده رفيعه والعكس

كمان لازم نراعى ان يكون فى تقارب فى الميول والعادات والتقاليد والاتجاهات السلوكيه

من الملبس والمأكل والانفاق والادخار

ولازم نشير كمان للجانب الثقافى والتعليمى

اى بنت اوعى تفكرى انك ترتبطى بشخص اقل منك فى المستوى التعليمى واى ولد اوعى

تفكر انك ترتبط ببنت اعلى منك فى المستوى التعليمى البنت تاخد اعلى منها والولد ياخد

اقل منه فى المستوى التعليمى اما المستوى الثقافى فلا بد ان يكون هناك تقارب بينكما

والتقدير والاحترام المتبادل بين الطرفين وميل كل من الطرفين نحو الاخر

وفى النهايه اتمنى لكم اختيار موفق وخطبه سعيده وزواج مبارك ان شاء الله

الاسس الرئيسيه التى يبنى عليها الزواج

لوكنت بتفكر فى الارتباط والخطوبه والجواز مفيش مشكله بس هل عندك استعداد لتحمل المسئوليه ولا لاء هتقولى طيب وانا اعرف منين

انا عندى استعداد ولا لاء اقولك تعمل ايه عشان تعرف اسال نفسك كام سؤال؟


هل انت شخصيتك متكامله ؟

هتقولى يعنى ايه تكامل الشخصيه انتى هتعقديها ولا ايه هتقعدى بقى تقولى تكامل ومش تكامل ايه الكلام الكبير ده هقولك خدنى على قد

عقلى وخليك معايا للاخر تكامل الشخصيه بمعنى تكامل النمو الجسمى والعقلى والنفسى والاجتماعى

هل عندك القدره على الاخذ والعطاء؟


هل عندك القدره على تكوين علاقات اجتماعيه؟


هل انت متحرر من النرجسيه (الانانيه)يعنى ؟


هل عندك استعداد لمواجهه المشكلات العنيفه او الصبعبه؟


ودلوقتى بقى هقول شويه نصائح للمقبلين على الخطوبه وخدوا بالكم قوى من الكلام اللى انا بقوله انا مش بهزر وكل واحد ادرى بمصلحته


قبل ما تختار او تختارى زوجه او زوج اختار اب لابنك اختار ام لبنتك ولو كنت خلاص خطبت او كنتى انتى اتخطبتى يبقى خدوا بالكم


من انك بتتعامل مع شخصيه واقعيه لها عيوب ومميزات وليست شخصيه مثاليه وان تتعامل مع الشخصيه كما هى وليس كمل يجب ان


تكون عليه وتجنب الحديث عن الماضى وكل ما حدث فيه من مغامرات ولا تضع شريك حياتك فى مقارنه مع الاخرين وبلاش الغيره


الزياده عن الحد يجب الا يهمل الطرفان التعبير عن الحب سواء تصريحا او تلميحا كلما سنحت الفرصه لان ذلك يؤدى الى تجديد


العاطفه كما لابد من اعمال العقل فى مرحله الخطوبه لانها اهم مرحله فى الحياه التى سوف يبنى على اساسها الحياه الزوجيه


وفى النهايه احب اقول ان مرحله الخطوبه هى المرحله الزائفه التى يتجمل فيها كل فرد امام الاخر


تابعونى المره الجايه عشان اقولك واقولك ازاى تعرف او تعرفى الشخص المناسب ليك او ليكى ؟

عجائب الزواج

تتعدد اشكال الزواج وطرقه

فهناك مايسمى بزواج المشاع ويعنى ان جميع النساء فى مجتمع ما حقا مشاعا لجميع الرجال والعكس ،ويكون هذا دون التقيد بنظام الزواج المعروف ولكن هذا النمط تخيلى فلسفى لا يوجد له اى علاقه بالواقع

ويوجد ما يسمى بالزواج الجماعى

وهو عباره عن مجموعه من الافراد يعيشون فى منزل واحد وكل منهم مشاع للاخر بشرط ان لا يدخل بينهم فرد غريب.... والله ونعم الادب فعلا ملتزمين بالتقاليد

وهناك الزواج المؤقت او ما يعرف (بزواج المتعه) و

يستمر هذا الزواج لفتره معينه وهذا الزواج موجود بالفعل فى جزر اندمان حيث يظل الاب يعاشر الام حتى يتم فطام الطفل وايضا يوجد هذا النوع من الزواج بين سكان استراليا الاصلين وبعض الهنود البرازيل وقد اباح هذا الزواج فى صدر الاسلام الى ان نهى عنه النبى

وهناك زواج الخطف حيث

يتم هذا الزواج فى القبائل البدائيه التى تكون فيها عدد قليل من النساء ويكون هناك علاقات عدائيه بين القبائل فيقوم الشاب الذى يريد الزواج بالترصد للاناث ويقوم بخطف واحده منهن ويوجد هذا النوع من الزواج فى واحة سيوة حيث يمثل العريس دور الفارس الذى يخطف العروس على الجواد واذا لحق بها اهلها فتعود اليهم واذا وصل بها الى عشيرته دون ان يلحق به احد فيفوز بعروسه

وهناك الزواج بالشراء ويعنى ان

يقوم الشاب الذى يريد الزواج بان يقدم لوالد العروس مقدار من
المال ويتم المساومه عليه ويكون هذا مثلا بغرض الانجاب واذا لم تنجب يتم استرداد المال مره اخرى......ما شاء الله لقد اصبحنا سلعه تباع وتشترى وايضا قابله للمساومه وكاننا قد عدنا الى الجاهليه وسوق الجوارى قرب واشترى وجرب ولومعجبكش تعالى وغير البضاعه

الى متى ستظل المرأه تقبل بهذا الذل والهوان الى متى ؟

عالم جديد

انا كريمة
طالبة فى خدمة اجتماعية
جديدة فى عالم التدوين
واتمنى نكون اصدقاء